FALLO DO XELA ARIAS:::

De novo, o IES A Sangriña organiza o Certame de Poesía homenaxe á  poeta, que foi profesora do instituto, Xela Arias Castaño. O acto  literario celebrarase este ano na Libraría Ler da Guarda. Este ano  contaremos coa escritora e profesora Olivia Pena para lembrar a  importancia da poeta, tamén teremos a oportunidade de escoitar algún  dos seus poemas acompañados pola música de Alfredo Garrido. Finalmente  coñeceremos os poemas gañadores do certame e farase a entrega dos  premios aos mozos e mozas poetas.
Desde a Dirección do IES A Sangriña convidámosvos a asisitir a este  acto. As persoas que asistan recibirán un "agasallo poético".

 

O xurado fallou onte,  18 de xuño, o concurso, sendo os seguintes os seleccionados:


CATEGORÍA A (12 A 15 ANOS):
1º PREMIO: MARCELA PORTO MATO, alumna do Colexio Manuel Peleteiro de Santiago de Compostela.
2º PREMIO: NOELIA REY CANEDA, alumna do IES de Sanxenxo (Pontevedra).
MENCIÓN ESPECIAL: MARCELA PORTO MATO 

CATEGORÍA B (16 A 20 ANOS):
1º PREMIO: ALBA SOUTO RODRÍGUEZ,  alumna do IES Virxe do Mar de Noia (A Coruña)
2º PREMIO: PEDRO CAMPOS GARCÍA, alumno do IES Praia Barraña, Boiro (A Coruña)
3º PREMIO: ALBERTO MARTÍNEZ DOS SANTOS,  alumno do IES Auga da Laxe de Gondomar (Pontevedra).
 
 
O xurado estivo formado polas seguintes persoas:
MANUEL ROSENDE TORRES. PROFESOR DE LINGUA GALEGA E LITERATURA.
Mª CRUZ RIVAS CARRERA. PROFESORA DE LINGUA GALEGA E LITERATURA.
OLIVIA PENA ARIJÓN. ESCRITORA. PROFESORA DE LINGUA GALEGA E LITERATURA.
MARISOL DIZ AMIL. BIBLIOTECARIA MUNICIPAL. SECRETARIA DA ASOCIACIÓN CULTURAL GUARDESA.
PILAR CARRO LOUREIRO. DIRECTORA DO IES  A SANGRIÑA. COORDINADORA DO EQUIPO DE NORMALIZACIÓN DA LINGUA GALEGA.
 
 
Lembra que o acto literario de entrega de premios será este xoves día 21 ás 20:30 hrs. na libraría Ler (R/ Galicia, 16, A Guarda)

Compañeira do ENLG da Guarda escribe para o Sermos Galiza.

<a href="http://www.sermosgaliza.com/opinion/autor/52/Andrea%20Araújo%20Alonso"></a>

Parabéns @s ROBALEIR@S polos éxitos remeiros!!!

Vemos un video sobre o seu traballo...

Os sete magníficos mais un na Sangriña:::

O pasado 20 de abril, ás doce e media da mañá, Fran Rei e Pedro Brandariz da compañía Os Sete Magníficos mais Un, representarán no IES A Sangriña a obra "Dous pallasos en apuros" . Este traballo dos dous famosos clowns de Culturactiva, que vén presentado polo éxito colleitado en numerosas representacións, será ofrecido solidariamente por Fran e Pedro como agasallo ao alumnado do colexio San Xerome Emiliani, que leva anos desenvolvendo un extraordinario labor de creación e comunicación por medio do teatro.

No mes de febreiro, Fran Rei ofreceu un curso de formación teatral no IES A Sangriña para alumnado do grupo de teatro do instituto e alumnado do Colexio San Xerome e do CEIP A Sangriña. Estes centros participan conxuntamente nun proxecto europeo (Comenius Regio) que promove a integración, neste marco incluíuse este curso, como unha máis das numerosas actividades compartidas. A experiencia foi enormemente satisfactoria para o alumnado participante e para o profesor que dirixiu o curso.

E Celso Sanmartin visitou a Sangriña:::

    O pasado 24 DE ABRIL, tivemos un OBRADOIRO DE CONTACONTOS grazas a CELSO FERNÁNDEZ SANMARTÍN. 

Traballamos cos CONTOS TRADICIONAIS E A ARTE DE BEN CONTAR, unha actividade realizada en colaboración co proxecto de Contratos Programa  e o Club de lectura.

VI PREMIO DE POESÍA XELA ARIAS:::

Preparado/a para escribir catro poemiñas? Le as bases con atención e PARTICIPA, éche moi doado: hai dúas modalidades, mira en cal entras ti e a facer versos!!!

Videoentrevista a Carlos Callón e Tino Vaz:::